عندي طوفة (حائط) في الممر
وقبل كان فيه مرايا و معلقة عليه اكسسوارات جدا ثقيلة
فظل عندي نفس الحفر والاثار
وكلش شكلها موحلو ولا مرتب ويضيق الخلق
فحبيت اني اسوي شيء حلو ومرتب ويعبر عني
فاخذت الشادو بكس Sadow box fram
من ايكيا IKEA
لان فبالي اسوي فيه Art
اول شيء والمهم انكم تخططون عدل شلون تبون الطوفة تكون
يعني ماانييه (مانجي) ونطق مسامير على طول
لازم تحطون ورقة كبيرة وتقيسون المساحة الي عندكم
وتتخيلون المساحة الي اهي اصلا الطوفة على الورقة
واتيبون الفريمات( الاطارات) الي مختارينها وتسوون الديزاين الي تبونه
عقب تقصون الورقة على كل اطار وتلزقونه بالشكل الي ودكم فيه
اخر شيء تركبون الاطارات الاصلية
عن نفسي احب استخدم تيب ( لزاق عريض ) علشان يحددلي المساحة اكثر
عالعموم كل التفاصيل موجودة بالفيديو
على فكرة
هالشيء ماله قانون معين نمشي عليه بالنهاية اهوا فن فلي نحبه ونبيه نسويه
فماكو قيود ولا لازم ومايصير لا سوو الي تبونه
بس حطو فبالكم شغله وحده
اقل لوحه او اطار لازم يكون من 6 الى 8 انش فوق الاثاث ...
اتمنى انكم تحبون الفيديو
وبليز لاتنسون تشتركون بالقناة علشان يوصل لكم الفيديوات على طول
XOXO
No comments:
Post a Comment