كيفية ترتيب الكوشيات على الاريكة ؟ How To Arrange Sofa Pillows

الكوشيات كيف تعلب دور مهم في تغير الاريكة (القنفة)

دائما انصح لمن نختار الاريكة ( القنفة ) نختارها سادة لانها تعتبر قطعة استشمارية ..

وافضل الالوان الطبيعية بيج ابيض رماري بدرجاتهم لان القنفات مو كل يوم نبي نغيرها  وبعد افضل انها تكون ذات جودة ممتارة لانها ابيها تعمر معاي واذا ييت بغيرها ممكن انجدها واغير السفنج الي داخلها وترد لي يديده اهم شي اساسها يكون جيد . 

والي نغيرة يكون بالكوشيات او الاكسسوارات بشكل عام .

اليوم حبيت اشاركم هالفيديو الي اهو عبارة عن قنفة وحده ب3 أنماط ( ستايلات) مختلفة كليا عن بعضها. 

1) خلط الانماط ( Mixing Patterns ) 

خلط الانماط في فئة من الناس تحبه وفي فئة من الناس يستصعبونه لان يعتبر جريء و ممكن اذا ماخلطانه بالشكل الصحيح يكون غير مريح للعين , في قاعده اساسية لمن نبي نخلط اكثر من نمط اول شيء الالوان لازم تكون مقاربه لبعضها وموجودة بالمكان او المساحة ( مثل بالكوشيات لازم الالوان تكون موجودة بكل كوشية ) و الاشكال تكون مرتبه مع بعض وفيها ترابط , غير مريح اذا ييت وحطيت مقياس النقشة مكرر بكل كوشية لازم احط فبالي ان مقياس النقشات يكون مختلف عن بعضها البعض , واخر نصيحة حدد عدد النقشات على القنفة من 2 الى 3 وبالمساحة بشكل عام من 3 الى 5 . 

2) الملمس و اللون ( Texture and Colors ) 

اهم شيء نحافظ على البساطة واذا زدنا طبقات الكوشيات لازم نحط فبالبنا الاعداد الزوجية مثل 3 او 5 او 7 و مانخلي الشيء يكون ثقيل نخليه سلسل وجميل , اختيار الالوان يبدأ بالشيء الي يلهمك للمكان او المساحة كلها مثل السجادة اذا يت منقشة وفيها الوان هالالوان ممكن كلها اخذها واحطها عالقنفة او الالوان الي حابه اني ابرزها . 

3) احادية اللون الالوان محايدة (  Monochrome ) 

المونوكروم مومعناته اشتغل بس بالابيض والاسود  من خلال اختيار الالوان المحايدة الطبيعىة ممكن اصنع اختلاف بالاحجام والاشكال واختلاف درجات اللون من الغامج الى الفاتح ممكن اخلق عمق و انسجام بالمكان , المونكروم ممكن يكون بلون واحد مع اختلاف درجاته وشدته . 

وفي النهاية كل شخص يحب يعيش بالنمط الي يرتاح فيه . 

الفيديو