السجاد Carpets

السجاد 

 لمن نصمم اي مساحة او غرفة عندنا في اساسيات ومن اهمها السجاد 

غير انه شكلها جمالي فهي كذلك لها فوائد 

منها تلم الاثاث وتوحده وتدفي المكان وتعزل الصوت و كذلك تعزل الاثاث .

السجاد ممكن ينحط باي مساحة عندنا في البيت انواعه كثيرة ولو بتكلم عنهم ماراح اخلص

حبيت اختصر اهم الامور في هالبوست ( التدوينه ) 

انواع السجاد متنوعة 

Oriental اهو اللي يكون من هالدول 

التركي , الطراز العتيق( Antique ) , المغربي ,  الهندي , الصيني , القوقازي , البوهيمي وألخ...

و في Persian 

اكثر سجاد يشدني اهو السجاد الايراني Persian 

السجاد الايراني من اهم الفنون في ايران وكل العالم لي يومنا هذا ماوصلو لمواصيلهم لهالفن 

لانه يعتبرونه فن وثقافة  وصار شيء مميز لهم بس .  

السجاد الايراني اليدوي  استثمار يعني شريته نقول ب500 دينار  مع مرور السنوات اقدر ابيعه بسعر مضاعف .

ينقسم الى قسمين اول قسم القبلي يتميز بالبساطة بالرسوم وطول الوبرة ووزنه يكون ثقيل ويعتمد عالاشكال كالازهور والهندسية بس 

جدا جدا بسيطة . 

والنوع الثاني اسمه سجاد المدن ويسمى بحسب المدينة اللي يصنع فيها  وفي انواع عديدة وكل نوعيه ونقشة له اسم خاص فيه .

الفرق بينه وبين اي سجاد ثاني  نوع الصبغ ونوع الحرير و نوع الصوف 

وطبعا فيه السجاد اليدوي اهو اللي يعتبرر الغالي وفيه النوع المطبوع اللي يعتبر سعره في المتداول 

وكذلك فيه الصبغ الطبيعي والصبغ الكيميائي ..

السجاد الطبيعي يعتبر غالي غير عن الامور اللي ذكرتها يمر بعده مراحل اكثر من شخص يشتغل عليه والوقت يطول لانه 

ينطرون الصبغ ينشف والرسام يخلص الرسمه وغير اللي يشتغلون عليها .

و يعتبر جيد لفصل الصيف لان الحرير والخيوط الناعمة مايعكس الحرارة في الغرفة .

ومن اهم النصائح عدم غسل في الاشهر الاولى للحفاظ على الوبرة والالوان والتهوية بشكل دوري وتعقيم السجادة من مدة لي مدة

من اجل التخلص من الرطوبة وديرو بالكم لاتعرضونها للشمس لانه ممكن مع الاستمرار تتلف الوانها ودائم انصح وقت ماتشترونها 

سألو البائع اذا عندهم خدمة الاهتمام فيها وتنظيفها عقب . 

وعقب كل هذا تتكون قطعة فنية وجمالية عندي علشان هالسبب احب واقدر السجاد اليدوي . 

السجاد الصناعي 

يتكون من 3 انواع رئيسية البوليبوبلين , النايلون و الصوف 

الحلو في السجاد الصناعي انه ممكن انه يتلون بالوان حلوه وراقية وناعمه والغرز تكون كثيفة جدا و حتن النقشات تكون مودرن 

ومتنوعه اكثر من السجاد اليدوي و بما انه صناعي الغرز اغلب الوقت تتكون من البلاستيك والحديد وهالشيء اقل ضررا للي فيهم 

حساسية و كسعر اغلب الوقت يكون سعره رخيص الى جيد مايوصل اسعار السجاد اليدوي . 

انواع الغرز متنوعه وكثيرة في غرز تكون كثيفة وفي ناعمه وكل مساحة او غرفة او مكان وحسب الاحتياج 

مثلا للمكاتب او الامكان التجارية نختار سجادة تختلف كليا عن اللي نختارها لغرف المعيشة او صالات الاستقبال وكذلك لغرف 

الاطفال .

من اهم النقط لمن نختار سجادة للبيت اولا نكون مرتاحين منها يعني مانختار شيء يضايقنا خصوصا وقت التنظيف 

وثاني اهم شيء الالوان اذا كانت سادة او ذات نقوش احط فبالي ان كل  االوان النقوش تكون موجودة بالمساحة نفسها . 

محلات السجاد كثيرة و الاهم انكم تكونون صبورين وقت اختياركم له وتدورون عدل على اللي يعجبكم ويناسبكم 

بعض اسماء المحلات في الكويت اللي ممكن تحصلون عندهم السجاد 

بوخمسين , السوق الايراني , ساوفار وكل محلات الاثاث في الكويت .. 

Some tips 

اتمنى ان التدوينة نالت على اعجابكم ..