اربع طرق نفعلها للتجديد لفصل الصيف ؟ Ways to Declutter Your Life This Summer 4

مرات نكون موجودين بالغرفة او المكان ونحس بضيقة و كل مانرفع راسنا ونشوف شيء نلاحظ وجود تكدس بكل مكان هالشيء 

يعطي طاقة سلبية للمكان , ويمكن ان ترتيب وتنظيم المكان المتواجدين فيه يكون نشاط مهدئ لنا والاحلى ان بنشوف نتيجة نهائية 

عقب . 

4 نصائح حبيت اشاركها لتنظيم المساحة لفصل الصيف ... لاتنسون بعض الموسيقى وقت الشغل يعطي طاقة جميلة ويخلي الواحد يهدىء . 

1) تنظيم الخزانة . 

افضل طريقة لتنظيف الخزانة اول شيء اييب سلال وحده اخليها للاشياء الي ابيها واحبها ووحده للاشياء المنهرية يعني الملبوسه 

وايد وخلاص لونها راح او خامها خلاص ووحده للاشياء الي مولابستها الا خفيف وتكون نظيفة والي ممكن اتبرع فيها , واحاول 

اخلي كل العلاقات نفس الشكل واللون بعد علشان كل ماافتح الكبت تنفتح نفسي و كل ماكانو العلاقات ضعاف هالشيء افضل لانه

 يخلي مكان ومساحة اكبر .

2) تنظيم حياتك الرقمية .

اول شيء يفضل نسوية انه نحط الموبايل او اي جهاز عندنا على وضع الOff , ونبتدي اول شيء اذا الجهاز المحمول او الكمبيوتر 

احاول انظف سطح المكتب الDescktop  وعقب انظم الملفات الي احتاجة والي مااحتاجة واذا في شيء ابيه راح اذكره وحتن 

الايميلات احاول امسح كل شيء قديم علشان ابتدي بداية صح ويديدة والموبايل نفس الطريقة احاول افضي الصور او الفيديوهات الي

 شفتها وماخذه مساحة عالفاضي عندي بالجهاز .

3) تنظيم المخازن الموجودة في كل البيت وانشاء مناطق لكل الاغراض الموجودة.  

في اغلب  البيوت عندنا اشياء مخزنة  والاكثر انه مانحتاجها فاول شيء ادور لكل شي مكان خاص فيه واحاول قد مااقدر اني اجمع 

بين القطع الموجودة هالشيء يسهل لي عملية الترتيب والتنظيم . 

4) عرض الاشياء او القطع الي تلهمك .

وعقب التنظيف التبخير والتعطير للمكان جدا مهم ولاتنسون التهوية واخر شيء ساعات في اشياء بسيطة تلهمنا لاتنسون تعرضونها 

بطرق جميلة ومرتبه عندكم وخلوها بمكان انتو تشوفونه .

واتمنى لكم صيف جميل وممتع